|
|
| ДОТООД МЭДЭЭ ...бусад |
| |
Аллага үйлдсэн байж болзошгүй сэжигтнийг олж тогтоосон гэж эх сурвалж мэдээлэв
Цагдаагийнхан сэжигтнийг баривчлах шийдвэр гаргажээ /2010-01-17
|
| |
Өчигдөр 16.30 цагийн орчимд бидэнд гэнэтийн мэдээ ирэв.
Арваннэгэн жил гурван сарын өмнө монгол түмнийг хирдхийлгэсэн аймшигт аллага үйлдэгдэж, Монголын ардчилсан хувьсгалыг манлайлагч, төр, нийгмийн нэрт зүтгэлтэн, тухайн үед УИХ-ын гишүүн, Засгийн газрын гишүүн, Дэд бүтцийн сайдын үүрэг гүйцэтгэгчээр ажиллаж байсан Санжаасүрэнгийн Зоригийг өөрийнх нь гэрт онц хэрцгийгээр амь насыг нь хөнөөсөн билээ.
Гэрчтэй, эд мөрийн нотолгоотой энэ хэрэг тун удахгүй илэрнэ гэсэн итгэл эхэн үедээ байсан боловч ул мөр улам бүдгэрсээр, хэрэг хэзээ нэгэн цагт тодорхой болно гэсэн горьдлого бараг талаар болоод байсан. Гэтэл уг хэргийг мөрдөн шалгах Ажлын хэсэгт ойр эх сурвалж, хэргийн мөрөөр орсон, аллага үйлдсэн байж магадгүй сэжигтнийг тогтоосон, түүнийг баривчлахаар Улаанбаатараас холгүй орших нэгэн аймгийг тусгай албаныхан зорьсон гэж мэдээлэв.
|
|
|